captin_hima عضو فعال
عدد المساهمات : 122 تاريخ التسجيل : 26/02/2010
| موضوع: نايمين ولا ميتين الجمعة فبراير 26, 2010 6:32 pm | |
| طبعا كلنا سمعنا عن المشاكل والخلافات اللى بين المصريين والجزائريين بسبب الماتش اللى بينهم
وحاليا كل من المصريين والجزائريين شغلهم الشاغل هو شئ واحد الماتش والنتيجة ومين هيلعب والتشكيل اللى هينزل بيه كل من الفريقين.. لدرجه ان دا بقى بيشغلنا عن عملنا اللى احنا مشغولين عنه من غير حاجه .... انا ما بقولش ما حدش يشجع ويبقى متحمس للكورة ولفريق معين بس مش بالطريقة دى يعنى .. دا مفيش حد فى مصر كلها الا وبيتكلم عن الماتش من أول أصغر طفل فى البلد لحد رئيس الجمهوريه نفسه ... وكله ما بيفكرش فى حاجه غير الماتش ..
بس اللى عايز أسأله من سنه تقريبا لما اسرائيل كانت بتحاول تدخل غزه كام واحد فى مصر كان عارف بالموضوع وكام واحد من اللى كانوا عارفين مهتم بالأخبار ومضايق من اللى بيحصل .. لما بيكون فى ندوة علميه أو تكريم لعالم كام واحد بيكون مهتم انه يحضرها دا اذا كان فيه حد اصلا يعرف عنها .. الدكتور مصطفى محمود اتوفى بقاله فتره قليله كام واحد من عامة الشعب عرف انه اتوفى وكام واحد كان يعرفه اساسا..
ليه ما بيقناش بنتسابق غير على الحاجات اللى لا تفيد...مع احترامى للكل الرياضيين والمشجعين الرياضيين يعنى
أنا واحد من الناس مليش اهتمام بالكوره اوى بس مهتم بماتش المنتخب وهشجع وكل حاجه بس ونفسى مصر تكسب وهروح الاستاد وهشجع منتخب بلدى بس مجرد ما هخرج من الماتش خلاص و ما يبقاش ليلى ونهارى تفكير فى الماتش وفى اللى هيحصل فيه انا ليا اصحاب فى المدرسه من أول ما اتحدد ميعاد الماتش من حوالى شهر او اكتر وهما بيحلموا بيه والمدرسين كذلك .. والحكايه ما وقفتش عند كدا .. فى الجزائر دلوقتى بيشتموا فى مصر والعلم المصرى حرقوه هناك وتى شيرت المنتخب كمان .والمصريين كمان منهم بيشتم فى الجزائر وهيحرقوا علم الجزائر فى الاستاد.. طيب ليه دا كله يعنى.. دا بدل ما نركز طاقاتنا دى فى حاجه مفيدة تنفعنا و تغير من حالتنا اللى احنا فيها دى للافضل . ولا نشغل نفسنا بمشكله فلسطين والمشاكل السياسية اللى بتحصل اللى هتحدد مستقبل البلد دى هيكون ايه.ولا نفكر فى دراستنا, نشتم فى بعض .. ليه يعنى بقينا بالتفاهه دى كلها سواء مصريين او جزائريين.
ياترى بقى دا مجرد اننا نايمين وغفلانين شويه وهنفوق بعد كدا .. ولا خلاص بقينا ميتين
| |
|
vitoshow المدير العام
عدد المساهمات : 403 تاريخ التسجيل : 24/02/2010
| موضوع: رد: نايمين ولا ميتين الجمعة فبراير 26, 2010 7:16 pm | |
| موضوعك صح و اكيد احنا نايمين و حنصحه كمان شوة متنساش بقة تصحينى | |
|
maha yousf مشرف عام
عدد المساهمات : 54 تاريخ التسجيل : 25/02/2010 العمر : 31
| موضوع: رد: نايمين ولا ميتين الجمعة فبراير 26, 2010 10:42 pm | |
| هههههههههههههههههههههه موضع جمد جدا يا هيما تسلم ايدك | |
|
ملكة فى قلبه مشرف عام
عدد المساهمات : 295 تاريخ التسجيل : 25/02/2010
| موضوع: رد: نايمين ولا ميتين السبت فبراير 27, 2010 5:39 am | |
| نيس توبيك هيما تسلم ايديك | |
|