captin_hima عضو فعال
عدد المساهمات : 122 تاريخ التسجيل : 26/02/2010
| موضوع: أنا دخلت كبارية الجامعة حد دخلو ؟ الجمعة فبراير 26, 2010 6:30 pm | |
| صباح الخير
النهارده الصبح وقبل ما اشرب الشاى بتاعى واكل الفطار بتاعى وكالعاده بتصفح النت واذا بيا فاتح موقع جامد جدا اول مره اشوفه فيه اخبار مصر والعالم والفن والرياضه وكلو المهم فيه فى اعلى الصفحه كده اعلان بيتغير عن القيديوهات الاكثر مشاهده
المهم كلها فضائح فنانين وعيد ميلاد مين الممثله وفرح مين والكلام ده شدنى اوى اسم فيديو فضيحه اخلاقيه لطالبات عين شمس
دخلت عليها وبصيت لاقيت حفله من حفلات الافراح الشعبيه اللى بتتعمل فى حوارى مصر مع باقه من الاغانى اللى مسمينها الواو والمولد والهجايص دى كلها قاعد بدور على الفضيحه
لاقيت بنت محجبه حجاب شرعى شرعى شرعى وواقفه فى وسط كوم شباب وبتهز واودامها واد من اللى بيقولوا بيلعبوا كمال اجسام من الناس اللى بتربى فيران فى دراعها دول
والبنت هاتك يا رقص مش قادره تمسك نفسها والاحسن بقه طلع فى الكادر واحده لا تقل عنها حجاب وتحشم ولابسه اسدال الصلاه وبتصورها والشباب على البنات وكلو سلطه بس احقاقا للحق ظاهرا كده البنت كانت بترقص بادبها والبنت التانيه كانت بتصور بادبها مفيش ولد اتجرا ولمسها لمسه
وبعدين الكادر اتحول على الشباب واحد واقف والكاميرا فى ظهره والبنطلون مسطقه وبيهزر وشباب تانى ضارب افيوووووووووون وكله هاتك يا رقص والاروع بقه لما الكدر اتحرك يمين شويه شوفت يافته مكتوب عليها كليه التجاره
والنبى شكلى كده دخلت جامعه ايام الرخص بس اللى حيرنى ايه الفضيحه اللى فى الفيديو ده
هل البنت المحجبه اللى بتهز وبتسمع كلام ريكو هزيها بالراحه بالراحه ولا البنت الاكثر تحجبا اللى لابسه الاسدال وبتصور فى وسط الجو ده ولا الواد اللى مسقط المنطلون والبوكسر بتاعه باين ولا اليافته اللى مكتوب عليها كليه تجاره
انا بصراحه محتار جدا
المشكله اللى بعدها لاقيت اعلان فيديو تانى بيقولك بنات عين شمس بيرقصوا بالسنجه والرجاله بتتفرج
السنجه دى تعرفيها للبنات الرقيقه اللى فى المنتدى اللى ميعرفوهاش حاجه كده زى السكينه بس طويله شويه بيستخدموها فى قطعنى يا معلم فى الخناقات البشريه البنتين فى الشارع بنتين من عين شمس وفعلا يسدو عين الشمس وماسكين السنجه وبيرقصوا بيها زمان كان واحد صاحبى طلع فى حفله ورقص بالمطواه قالوا عليه صايع واخدوها منه اللى يرقص بسنجه يبقى ايه يبقى لا تعليق
الفضيحه التالته مش هاتكلم عليها كتير بنت فى غايه الجمال والاحترام ومحجبه برضه قاعده مع واد فى غايه الاحترام برضه وفى حرم الجامعه وبيعملوا حجات فى غايه الاحترام
شكيت انهم بيذاكروا
ولا تعليق
ويجيى هنا السؤال هيا الجامعات دى كانت مفتوحه زمان للتعليم ..........................صح ولا انا غلطان ؟؟؟
بقت هيا نفسها الجامعات اللى جابت لنا تامر حسنى ويعملوا حفله كلها اختلاط وقله قيمه .....صح اللى بتعمل كل سنه اسبوع شباب الجامعات وده فرصه لتوسيع دائره التعارف بين الشباب يعنى الواد يبقى فى صعيد مصر وعنده الموزه بتاعته فى بحرى .................صح اللى بتسمح بعمل حفلات الميلاد فى الجامعه
عندنا حته فى جامعه المنصوره كان اسمها تل ابيب وكان عندنا حته قبلها لف استريت(شارع الحب ) اللى فيه الشجره المايله
سمعنى احلى سلام للتعليم العالى وللجامعات اللى الناس بتتعلم فيها تعليم عالى
ولا تعليق عندكم تعليق | |
|
ملكة فى قلبه مشرف عام
عدد المساهمات : 295 تاريخ التسجيل : 25/02/2010
| موضوع: رد: أنا دخلت كبارية الجامعة حد دخلو ؟ الجمعة فبراير 26, 2010 6:35 pm | |
| بجد لا تعليق مفيش حاجه تنفع تتقال | |
|
vitoshow المدير العام
عدد المساهمات : 403 تاريخ التسجيل : 24/02/2010
| موضوع: رد: أنا دخلت كبارية الجامعة حد دخلو ؟ الجمعة فبراير 26, 2010 7:07 pm | |
| و بيحصل اكثر من كدة و الهى يا هيما فى جامعة الامريكية اسالنى انا فضايح ربنا يستر عليهم | |
|
maha yousf مشرف عام
عدد المساهمات : 54 تاريخ التسجيل : 25/02/2010 العمر : 31
| موضوع: رد: أنا دخلت كبارية الجامعة حد دخلو ؟ الجمعة فبراير 26, 2010 10:44 pm | |
| هههههههههههههههههههههههههههه | |
|
ZiMa_Love عضو مشارك
عدد المساهمات : 23 تاريخ التسجيل : 26/02/2010 العمر : 33
| موضوع: رد: أنا دخلت كبارية الجامعة حد دخلو ؟ السبت فبراير 27, 2010 9:42 am | |
| ربنا يسترهااااااااااااااا معانا ومع الناس كلهااااااااااا نيس توبيك يا هيمااااااااااااااااااااااا | |
|