// الدنيا //::
علمتني الدنيا ياصاحبي... قصة بشر
تصبر الروح ساعة .. وتشقيها ساعات
علمتني من حكيها الحياة.. لحظة عمر
تعزهــــا.. تعــزك بالعلا.. و المسرات
ترقى اعلومنا بطيب الصيت وبكسب الأجر
ماعليها من ودي.. و ودك ماهمها مجادلات
من عطايهــــا علم.. .. و نتحرى خـــبر
وان عطت باليمين ... قالت بالمثل هات
هيضت المواجع في الحشا يا نديمي والحسر
و تليت من فكــري اعلوم الليــالي الموجعات
ارخي الهــدب حزة الضيق.. وأغض البصر
عسى ربي يجملني بين ربعي بالجميلات
يضحكنا الوقت ساعة ويبكينا يوم و شهر
وان ضحكنا او بكينا نصبر بكيف المقبلات
ياصاحبي الدنيا خذتنا بين سعد و بين كدر
وبين فلة احجاج و حزن .. وعينٍ مدمعات
علمتني ..اقفي الشين واحط اللي يسر
وارسم اخطاي صوب ... روس النايـــفات
وان خاصمك وقتك سامحه و شب الجمر
واشعل ضـــلوعك حطب وانس ما فـــات
الدنيا يا صاحبي .. غرسها يوم الحشــر
رضى رب .. ورضى أب ..واعمال صالحات
موضوع: الدنيا 
الإثنين أبريل 05, 2010 7:08 am
